Embedded Scribd iPaper - Requires Javascript and Flash Player
Ahellil 59 1 2 3 N umeqṛan n imeddaḥen. Ṯaɣnayṯ n Dawed f lehwa n "Ur treyyeb ca", yenna-t segga yenki Cawul aḏ ƹussen axxam n Dawed bac aṯ-enɣen. A Ṛebbi, seg eƹḏawen inu fukk-ay, seg yya d-itnekkaren ɣer-i eḥḍ-ay. Seg ceṛṛeyyen fukk-ay, si yya yessazzalen iḏammen sellek-ay. Ahen-ayen i neč ssɣimen, irgazen gedṛen, fella mlaymen, a Yellu, bla ma aḏ igeɣ ḏnub, u bla ma aḏ igeɣ lɣelṭeṯ. Tazzalen, u tessejjan iman nn-sen, bla ma igiɣ cceṛṛ, aki-d ɣer-i, exẓer. Cek a Yellu, a Ṛebbi, a yanezmar, Ṛebbi n ayeṯ Iṣrail, akker, a' tnakfeḏ gaƹ aya n lejnas, f lxayen aceṛṛi ur ceffeq ca xlaṣ. Twellan-d ṯameddiṯ, tnabaḥen am yiḏan, tennḍen ḏug filaj. Eslet i ceṛṛ i d-yetluffan seg imawen nn-sen, ilsawen nn-sen emḏan tebbin, qqaren : " Wa ah a' ɣen-islen ? " Embeṣṣeḥ, cek a Yellu fella-sen eṯḍeṣṣeḏ, f lejnas aya gaƹ ṯestehzayeḏ. Ɣer-k i ttaqaleɣ, cek a legdeṛ inu, , xaṭrac a Ṛebbi inu, cek ḏ taqliƹṯ inu, Ṛebbi yeḥla a' d-yas ɣer-i, aḏ yeǧ iƹḏawen inu ḏ lfurjeṯ zzaṯ-i. A Yellu la hen-neqq ca, bac agḏuḏ inu ur ahen-itettu ca. Embeṣṣeḥ, s legdeṛ nn-ek zeƹweḍ-ihen, a Siḏi a ṯaseddariṯ nn-eɣ (‫ ,)درعنا‬ɣer ṯmurṯ enfeḍ-ihen. Awalen n yimawen nn-sen ḏ ḏnubaṯ, aḏ twaṭṭfen ḏi lmendaf n weṯkebbeṛ nn-sen xaṭrac neƹƹlen u sserkusen .
4 5 6
7 8
9 10 11 12
13
14 15 16 17
18
Suqqa-hen s uɣucci nn-ek, ekkes-ihen, ur itqima lak ḏ ict. Ammin a' ṯẓer dduniṯ belli Ṛebbi yeṭṭef ḏi ṯmurṯ n Iṣrail si lqeṛn ɣer lqeṛn. Twellan-d ṯameddiṯ, tnabaḥen am yiḏan, tennḍen ḏug filaj. Teglawan ɣaḏi ḏ wawra, rezzun f lmakelṯ. Ma ur ufin ca tnusen s laẓ. U neč aḏ ɣenniɣ s legdeṛ nn-ek, aḏ zhiɣ f ṯnezzayṯ s ṛṛeḥmeṯ nn-ek. Xaṭrac cek i neč ḏ taqliƹṯ, u ḏ amkan n ṯarewla ḏug ass yuƹṛen fella. I cek a legdeṛ inu, aḏ helleɣ, xaṭrac Ṛebbi inu, ḏ taqliƹṯ inu, Ṛebbi yeḥla iḏi.