Embedded Scribd iPaper - Requires Javascript and Flash Player
Ahellil 52 1 2 3 4 5 6 N umeqṛan n imeddaḥen. Asefru n Dawed. Yenna-ṯ segga d-yusa Duwwaɣ Adumi ɣer Cawul u ixebbṛ-as belli Dawed yeƹna axxam n Aximalek. Mmaɣef i ṯetzuxeḏ s ceṛṛ a lefḥel, lemlaḥeṯ n Ṛebbi ass yejmel ṯella. Axemmem nn-ek yetḏebbaṛ s lehlak ḏ lebla, iles nn-ek yettebbi am uzzal, ḏ axeddaƹ a yella. Ṯettectiḏ cceṛṛ f lxir, u ṯiserkas f tiḏet. Ṯettectiḏ awalen n ukelleḥ, a yiles n lexḏiƹeṯ. Amma a' t-irḏem fell-ak Ṛebbi i dima, a cek-iṭṭef, u a cek-ikkes sug exxam nn-ek, u si ṯmurṯ n yya yeddren a cek-iqleƹ. Aḏ eẓren iḥeqqiyyen, u aḏ agguḏen, u fell-as aḏ eḍṣen. Aṯa zeƹma wergaz, igellan f tiƹerremt n wagel nn-es iƹewwel f lƹuḍ f Ṛebbi aḏ iƹemmel, yeṭṭɣa s wagel ag enheb. Ma ḏ neč, am tzemmurṯ ṯezzizu, ḏug exxam n Ṛebbi ṯetwaẓẓu, f ṛṛeḥmeṯ n Ṛebbi tƹewwleɣ ṭul i dima. A cek-ḥemḏeɣ dima f a y-tigiḏ, a Ṛebbi, lamel ḏ-ik igiɣ, xaṭrac, ɣer yya cek-iqeṛben ṯeḥliḏ.
7
8 9
10
11