Embedded Scribd iPaper - Requires Javascript and Flash Player
Ahellil 34 1 2 3 4 5 6 7 8 9 10 11 12 13 Ahellil n Dawed, segga yiga iman nn-es ḏ amehbul zzaṯ n Abimalek, u iḥawez-iṯ. Aḏ ittubarek Yellu ḏi kull zzman, aḥmaḏ nn-es ḏeg mi inu dima. Ṯanefsiṯ inu ṯeḥmeḏ Yellu yeƹlan, aḏ sseɣḏen imeɣban u aḏ zhan. Ƹeḍḍmet Yellu iḏ-i, ism nn-es jmiƹ a ṯ-nessili. Ettreɣ Yellu, yuƹa-y-d, ifukk-ay si gaƹ ṯiwḏi. Yya yetteqqlen ɣer-s aḏ fawen, ur sen-tebciƹen xlaṣ wuḏmawen. Neč agellan ḏ ameɣbun ƹeyyḍeɣ, u Yellu yesseɣḏ-ay, u si lhemm inu gaƹ isellek-ay. Lemlayka n Yellu yetƹussa, yya ṯ-ittaggwaḏen, u it-fukka-hen. Emdiṭṭ, ṯeẓrem wag eḥla Yellu, ḏ amesƹuḏ wa aṯ-yigin ḏ amkan n wesduri. Agguḏet Yellu kennwi a imqeddsen nn-es, xaṭrac yya ṯ-ittaggwaḏen, cra ur a hen-itxuṣṣa. Lak ḏ yiran ssxuṣṣayen u tlaẓan, embeṣṣeḥ yya irezzun f Yellu, si lxir welli matta i hen-itxuṣṣan. Ayyat a ṯarwa inu a y-tesseɣḏem, ṯiwḏi n Yellu s ɣer-i a' tlemḏem. Wi ctan ṯameddurṯ ikemlen, wig xsen a s-zzegren wussan, u ḏi-sen aḏ iẓerr kan ag eḥlan. Aḏ iṭṭef imi nn-es f cceṛṛ, ḏ yiles nn-es f tserkas. Aḏ yig lxir, u cceṛṛ aḏ ibaƹƹeḏ fell-as, aḏ yerzu f lehna u aḏ yazzel wern-as. Ṯiṭṭawin n Yellu tƹussant f iḥeqqiyyen, u imejjan nn-es i wƹeyyeḍ nn-sen ssɣaḏen.
14 15 16
17 18 19 20 21 22 23
Yellu yetnekkar ɣer iceṛṛiyyen, bac aḏ imḥa seng n tmurṯ lǧeṛṛeṯ nn-sen. I wƹeyyeḍ n iḥeqqiyyen, Yellu yesla, u ifukk-ihen si ḍḍiq gaƹ ḏ lebla. Yellu ɣer yya mi nduṛṛen wulawen yeqṛeb, u yetsellek yya yellan ṯanefsiṯ nn-sen ṯeɣleb. Aḥeqqi, labas n lebla yetṣab-iṯ, embeṣṣeḥ ssi-s gaƹ Yellu yetsellek-iṯ. Ixsan nn-es gaƹ fella-sen itƹussa, lak ḏ ict ssi-sen ur itreẓẓa. Cceṛṛ ineqq bab nn-es, yya inekkṛen aḥeqqi aḏ ttunakfen. Yellu ifedda ixḏimen nn-es, u yya i ṯ-ittigen ḏ amkan n sedduri ur ttunakafen.