Embedded Scribd iPaper - Requires Javascript and Flash Player
Ahellil 18 1 N umeqṛan n imeddaḥen, Dawed axḏim n Yellu, agellan yenna i Yellu awalen n uhellil aya, segga aṯ-isellek Yellu seg ifassen n yeƹḏawen nn-es gaƹ u seg fus n Cawul, Yenna : Tectiɣ-cek a Yellu, legdeṛ inu ! Yellu lkaf inu, ṯaqliƹṯ inu, imsellek inu ! Ṛebbi inu, aẓru inu, ani sdurayeɣ iman inu ! Ṯaseddariṯ inu, legdeṛ i y-iḥman, amkan n tarewla inu ! Tƹeyyaḍeɣ, lḥemḏ i Yellu ! U neč selkeɣ seg eƹḏawen inu. Ikerrafen n ṯmettanṯ lwin-d fell-a, u leḥmali ig treyyaben ssigguḏent-ay jemla Ikerrafen n tenḍelt fella lwin-d, imendafen n ṯmettanṯ zzaṯ-i neṣben-d. Ḏi leḥṣelt inu, ḏ Yellu i nedheɣ, ɣer Ṛebbi ƹeyyḍeɣ. Sug exxam nn-es n ujenna, ḏ awal inu ig tsella, aƹeyyeḍ inu, ɣer imejji nn-es iwella. Mmala ṯamurṯ ṯerjiji ṯeggelfeƹ, ssas n iḏurar s wadda yezzeƹzeƹ, rjijin, si lɣecc n Yellu i d-yusin. Si ṯenzar nn-es, iluff-ed uɣamu, seg mi nn-es terg-ed lƹafifṯ theffu. Lellcent-d si-s ṯerjin. Yeḍfeṣ ijenwan u yers-ed, seddu n i ḍaṛṛen nn-es ṯaguṯ ṯɣumm-ed. Yuli seng n ukerrub u yuffeg, ḏug aḍu yefferfer, yunneg. Yiga ṯallast i ṯufra, ḏ nettaṯ ḏ amkan, ijellel ɣamu ḏ aberkan; ḏ asegna yečur ḏ aman Si ṯfaweṯ i beggṣen, ƹeddan-d isegniwen, akerra ḏ tirjin i lehhben. Yellu yezher ḏeg jenwan,
2 3
4 5 6 7
8
9
10 11 12
13 14
15
16
yetwasel ṣṣuṯ n wa yeƹlan s ukerra ḏ terjin yeḥman. Yuṯi-hen s ineccaben, s lebṛuq iƹerrmen iferzeƹ-ihen, ammin yeṣṣberbeṣ-ihen. Isriren n waman banen, u ssisan n dduniṯ twafen, s uheyyeb nn-ek a Yellu, s zzef n waḍu n ṯenzar nn-ek i ɣuccen. Yeẓẓel-d fus nn-es s-ennej, yeṭṭef-ay Sug aman i ƹerrmen yesserg-ay Sug eɣrim inu, imegdeṛ issemneƹ-ay, Si yya i y-inekkṛen, yya igedṛen fell-a ifukk-ay. Ẓedmen-d fell-a ḏug ass amenḥus, Embeṣṣeḥ Yellu yeẓẓel-ay-d fus. Ɣer listaƹ yesserg-ay, xaṭrac yezha iss-i, ifukk-ay. Yellu, f ṭṭaƹeṯ inu, ijaza-y f ṯezdeg n ifassen inu yuca-y. Xaṭrac ṭṭfeɣ ḏeg ebriḏen n Yellu, ur eƹṣiɣ ca Ṛebbi. Leqwanen nn-es gaƹ ḏi lbal, ur ǧiɣ. Si luṣayaṯ nn-es ur rgiɣ S lekmalt, iḏ-es ugireɣ. si ḏnub iman inu ḥefḍeɣ . Yellu, ijaza-y f ṭṭaƹeṯ inu, u yeẓra ṯazdeg n ifassen inu. Ṯqeṛbeḏ ɣer wa d-iqeṛben ɣer-ek. Ṯkemleḏ iḏ n wa ikemlen iḏ-ek. Iḏ n uzeddag ḏ azeddag i ṯettiliḏ, Embeṣṣeḥ, wa ifeṛɣen fella-s ṯluggiḏ Yaxi, ḏ cek ig sellken egḏuḏ si leɣben, u ṯessrusiḏ-ed imeṯkebbṛen.
17 18 19 20
21 22 23 24 25
26 27 28
29 30
Ḏ cek a Yellu ag tbeggṣen lefnaṛ inu, Ṛebbi yessfaway ṯallasin inu. Iss-ek tmegriɣ f ṯerbaƹṯ n imsellḥen, u s Ṛebbi tnegzeɣ leḥyuḍ i ƹlayen. Abriḏ n Ṛebbi ikmel, awal n Yellu, ḏ aṣḥiḥ yettuƹewwal fella-s, netta ḏ taseddariṯ n yuḏan gaƹ i ddurayen ɣer-s. Mmala, mand wa Ṛebbi, ma ur yelli ḏ Yellu ? Mand wa ḏ aẓru, ma ur yelli ḏ Ṛebbi nn-eɣ. Ḏ Ṛebbi a y-itḥezzmen s legḏeṛ, u iweƹƹa abriḏ inu yekmel. Iweƹƹa-y iḍaṛṛen am yya n teḏma xeffen u qedden, u yessbedd-ay ḏi ṯemzirin yeƹlayen. I wemnuɣi yesselmaḏ-ay ifassen, u i welway n tezɣayṯ igedṛen iƹeddel-ay iɣallen. Ṯaseddariṯ n wemnaƹ ṯettučeḏ-ay, u fus nn-ek afusi yetƹawan-ay, anethelli nn-ek iqeyyem-ay. Ṯessirawayeḏ isurifen inu, ḏug ebriḏ ur teṯrabalent ṯekƹab inu. Ḍeffṛeɣ iɣrimen inu u teṭṭfeɣ-hen, ur d-twelliɣ kiss ma ssuqqiɣ-hen. Reẓẓeɣ-hen, ur tqedden aḏ ekkren, taḍun-ay seddu n iḍarren. S legdeṛ i wemnuɣi ṯetḥezzameḏ-ay u seddu n iḍarren iƹḏawen inu ṯessrekƹeḏ-ay-d. Iɣrimen inu fella ṯesserwaleḏ-hen, yya i y-inekkṛen ssuqqayeɣ-hen Ccarɣaṯen, u ict ma yetfukka-hen, tlaɣan i Yellu, u ur a d-iweƹƹa fell-asen. Am uɣebbaṛ i ttawin iƹeǧajen a' hen-rḥiɣ, u am uluḍ n izuqaq, a' hen-ferḍeɣ. Seg nuɣan n wegḏuḏ ṯessmenƹeḏ-ay, u f yexf n lejnas ṯesserseḏ-ay, u agḏuḏ i yiḍxan ixeḏm-ay. Segga aḏ eslen ism inu taḏren-ay,
31
32 33 34 35 36
37 38 39 40 41 42 43 44
45
46
ṯarwa n ubeṛṛani tzeqqalen-ay. Ibeṛṛaniyyen wehnen, tragen-d terjijin si ṯeqliƹin nn-sen. Aḏ yedder Yellu, u aḏ ittubarek, netta ḏ aẓru inu, ccan i Yellu imsellek inu. Ḏ netta a y-issxelfen ṯṯaṛ, a y-ed-yuƹan igḏuḏen seddu n uḍar. Ay-ifukken seg eɣrimen, u herniḏ, ḏ cek a y-issilin f iƹḏawen, u a y-imenneƹ sug ergaz iḍellmen. F amma a cek-ḥemḏeɣ a Yellu jar n lejnas, u aḏ ɣenniɣ i ism nn-ek. Netta yečuč rennu ḏ ameqqṛan i wgelliḏ nn-es, yessbeyyan-ed lemlaḥeṯ nn-es i wa yetwamesḥen, i Dawed, u i ṯarwa nn-es i dima.
47 48 49
50 51