Embedded Scribd iPaper - Requires Javascript and Flash Player
Ahellil 3 1
2
Ahellil n Dawed segga yerwel zzaṯ n memmi-s Abcalum.
A Yellu, iɣrimen inu ƹerrmen labas ! Wa ƹerrmen yya d-itnekkaren ɣer-i. 3 Ƹerrmen yya yeqqaren fella : "Ur as-iqqim ca n wemnaƹ ɣer Ṛebbi". 4 Embeṣṣeḥ cek a Yellu ḏ ṯaseddariṯ inu, ḏ cek a y-igin ccan u ṯrefḏeḏ ixf inu. 5 Tƹeyyaḍeɣ ɣer Yellu s ṣṣuṯ inu, u iweƹƹa-d fella sug eḏrar nn-es imqeddes. 6 Embuẓẓleɣ, eṭṭseɣ. Ukiɣ, ekkreɣ, xaṭrac Yellu ḏ ṯagiḏiṯ inu (lƹawal inu fell-ak). 7 Ur ttaggwaḏeɣ luluf n yuḏan, i d-yelwin fella f kull amkan. 8 Ekker a Yellu, a Ṛebbi fukk-ay ssi-sen, ḏ cek ig čaṯen iƹḏawen inu f imaggen, ḏ cek ig reẓẓen ṯiɣmas n iceṛṛiyyen. 9 A Yellu sslak aṯ ɣer-k, barek agḏuḏ nn-ek.